आदरणीय पत्रकार मित्रहरु
तथा कतारवासी नेपाली दाजुभाई तथा दिदीबहिनीहरु
विश्वको हरेक कुनामा श्रम बेचिरहेका नेपालीहरुले श्रमको उचित मुल्य पाउन नसकेको तीतो यथार्थ हाम्रो सामु विद्यमान छ । यद्यपी आफ्नो श्रम बेचेर आएको आम्दानीलाई विप्रेषणको रुपमा आम नेपालीहरुले स्वदेश पठाएको रकमले नेपालको अर्थतन्त्र धानिरहेको छ यो अर्को यथार्थ पनि हाम्रो सामु छ । बैदेशिक रोजगारमा आउन लाग्ने खर्च र वर्तमान महगींलाई मध्यनजर गर्दै भर्खरै मात्र नेपाली राजदुतावास कतारले नेपाली श्रमिकहरुको तलबमानमा बृद्धि गर्न गरेको शिफारिसलाई नेपाल प्रवासी आदिवासी जनजाति महासंघ कतार हार्दिक स्वागत गर्दछ ।
अहिले शिफारिस गरिएको नयाँ तलबमान कार्यन्वयनको लागि आवश्यक प्रकृया अगाडि बढि सकेको छ र अन्तत्वगत्व यसलाई सबैले स्विकार्नु पर्ने हुन्छ । त्यसैले सम्पुर्ण नेपालीहरुलाई धैर्य धारण गर्न गरेको नेपाली राजदुतावासको अनुरोधलाई स्विकार गरि सम्यम रहन सम्पुर्ण कतारवासी नेपालीहरुलाई यस विज्ञप्ती मार्फत हार्दिक अनुरोध गर्दछौं ।
सार्वजनिक समारोहहरुमा नेपाली राजदुतावास कतारका महामहिम राजदुत डा।सुर्यनाथ मिश्र ज्यूले गर्नु भएको अनुरोधलाई समेत केहि व्यक्तिहरुले वेवास्ता गरेको पाईयो । केहि व्यक्ति आफ्नो व्यक्तिगत स्वार्थ सिद्ध गर्न नेपाली संघ÷संस्थाका प्रतिनिधिहरुलाई राजनैतिक प्रकृतिको हस्ताक्षर संकलन अभियानमा आबद्ध हुन लगाईएको पाईएको छ । नेपाली श्रमिकहरुको तलबमानमा बृद्धि हुनु आफैमा एकदम राम्रो कुरा हो । यसले समग्र नेपाल र नेपालीको आर्थिक स्तर बृद्धि गर्न महत्वपुर्ण भूमिका खेल्ने कुरामा दूई मत छैन । नेपाली नियोगले नयाँ तलबमान शिफारिस गर्नुका साथै कार्यन्वयन समेत भई सकेको र केहि कम्पनिहरुले नियोगको निर्णयलाई स्विकार गरि सकेको कुरा विभिन्न साचार माध्यमबाट र स्वयं माहामहिम राजदुत डा।सुर्यनाथ मिश्र ज्यूको सार्वजनिक अभिव्यक्तिहरुबाट थाहा हुन आएको छ । हामीलाई लाग्छ यस विषयमा हस्ताक्षर संकलन अभियान साचालन गर्नुको कुनै औचित्य छैन । तर यसैलाई आधार मानेर हामी नेपाली समाजलाई दिग्भ्रमित बनाउन खोज्ने तत्व सकि्रय हुन थालेको आभास हामीलाई मिलेको छ । उनिहरुको हस्ताक्षर अभियानमा सहभागि नहुने संस्था तथा व्यक्तिहरुलाई सार्वजनिक समारोहमा अत्यन्त तल्लो स्तरको गालि गलौज गरेको पाईएको छ । यस्ता प्रबृतिका व्यक्तिहरुसंग सतर्क रहन सबै कतारवासी नेपाली दाजुभाई तथा दिदीबहिनीहरुलाई हार्दिक अनुरोध गर्दछौं ।
कुनै व्यक्ति विशेषको अभियानमा सहभागि हुनु÷नहुनु र उसको विचारलाई मान्नु नमान्नु व्यक्ति तथा संस्थाको स्वईच्छाको कुरा हो । आफनो विचारको समर्थन गरेन भन्दैमा तल्लो स्तरको गालि गलौजमा उत्रिने व्यक्ति तथा समुहलाई सार्वजनिक रुपमा निन्दा गर्नु पर्ने हुन्छ । यस्तो तल्लो स्तरको गालि गलौजमा उत्रने कार्य तथा व्यवहार सभ्य समाजको लागि सोभनिय मान्न सकिदैन । यसको सिधा असर हाम्रो नेपाली समाजलाई पर्दछ । हाम्रो समाजलाई एकताबद्ध बनाई राख्न र नेपाली नियोगको मर्यादालाई कायम राख्दै यसका कार्यक्रमहरुलाई सफल बनाउन हामी विचको आत्मियता र भाईचाराको सम्बन्ध अपरिहार्य छ । नेपाली नियोगलाई सहयोगको आवश्यकता भएमा महासंघ हिजोका दिनहरुमा झैं सहयोग गर्न हर हमेसा तत्पर रहेको जानकारी गराउन चाहन्छौं । धन्यवाद ।
बिनेश कुमार तामाङ अमृत गुरुङ
महासचिव अध्यक्ष
- Jan 26 2010 Tuesday 04:42:02 AM
